ബ്ലാസ്റ്റേഴ്സിനെതിരെ നടപടിയുണ്ടാകും; വിശദീകരണം തേടി ഏഐഎഫ്എഫ്

ബെം​ഗളുരുവിനെതിരായ ഐഎസ്എൽ പ്ലേ ഓഫ് പോരാട്ടത്തിൽ വാക്ക് ഔട്ട് നടത്തിയ സംഭവത്തിൽ കേരളാ ബ്ലാസ്റ്റേഴ്സിനെതിരെ നടപടിയുണ്ടാകും. ഇന്നലെ ചേർന്ന ഓൾ ഇന്ത്യ ഫുട്ബോൾ ഫെഡറേഷന്റെ അച്ചടക സമിതി യോ​ഗത്തിലാണ് ഇക്കാര്യം തീരുമാനമായത്.

മത്സരത്തിനിടെ കളിക്കളം വിട്ടതോടെ ഫെഡറേഷന്റെ ഡിസിപ്ലിനറി കോഡിലെ 58-ാം അനുഛേദം ബ്ലാസ്റ്റേഴ്സ് ലംഘിച്ചുവെന്ന് അച്ചടക്കസമിതി വിലയിരുത്തി. സംഭവത്തിൽ ബ്ലാസ്റ്റേഴ്സിന് നോട്ടീസ് നൽകിയ ഫെഡറേഷൻ മാർച്ച് 12-നുള്ളിൽ വിശദീകരണം വേണമെന്നും ആവശ്യപ്പെട്ടിട്ടുണ്ട്.

ചട്ടപ്രകാരം നിയമലംഘനത്തിന്റെ പേരിൽ ബ്ലാസ്റ്റേഴ്സിനെതിരെ ആറ് ലക്ഷം രൂപ പിഴ ഈടാക്കം. എന്നാൽ പ്രശ്നം കൂടുതൽ ​ഗുരുതരമാണെങ്കിൽ പിഴയ്ക്കൊപ്പം തന്നെ വിലക്ക് ഏർപ്പെുത്താനും ടൂർണമെന്റിൽ നിന്ന് അയോ​ഗ്യത കൽപ്പിക്കാനും സാധിക്കും. അതേസമയം വിഷയത്തിൽ ഐഎസ്എൽ സംഘാടകരായ എഫ്എസ്ഡിഎൽ ഇതുവരെ നിലപാട് പ്രഖ്യാപിച്ചിട്ടില്ല. ഐഎസ്എൽ സീസൺ പൂർത്തിയായതിന് ശേഷമെ എഫ്എസ്ഡിഎൽ ഇക്കാര്യത്തിൽ ഇടപെടൽ നടത്തുവെന്നാണ് സൂചന.

The post ബ്ലാസ്റ്റേഴ്സിനെതിരെ നടപടിയുണ്ടാകും; വിശദീകരണം തേടി ഏഐഎഫ്എഫ് appeared first on SPORTS MALAYALAM.

from SPORTS MALAYALAM https://ift.tt/OrKtYgj
via IFTTT