ബാഴ്സയോട് പ്രതികാരം ചെയ്യാൻ സുവാരസുണ്ടാകില്ല; കാരണമിത്

ഈ സീസൺ തുടക്കത്തിലാണ് സ്പാനിഷ് സൂപ്പർ ക്ലബ് ബാഴ്സലോണ വിട്ട് ലൂയിസ് സുവാരസ് പ്രധാന എതിരാളികളിലൊരാളായ അത്ലെറ്റിക്കോ മഡ്രിഡിലേക്ക് ചേക്കേറിയത്. ബാഴ്സയിൽ വലിയ വിവാദമുണ്ടാക്കിയിരുന്നു സുവാരസിന്റെ ക്ലബ് വിടൽ. എങ്കിലും അതിവേ​ഗം അത്ലെറ്റിക്കോയുടെ ശൈലിയുമായി ഇഴുകിച്ചേർന്ന സുവാരസിപ്പോൾ മിന്നുന്ന ഫോമിലാണ്.

അത്ലെറ്റിക്കോയിലെത്തിയശേഷം ആദ്യമായി സുവാരസ് ബാഴ്സയ്ക്കെതിരെ കളിക്കാൻ തയ്യാറെടുക്കുകയായിരുന്നു. ഈ വാരാന്ത്യത്തിലാണ് ബാഴ്സ അത്ലെറ്റിക്കോ മത്സരം. എന്നാൽ കോവിഡ് ബാധിച്ചതോടെ സുവാരസിന് ഈ മത്സരം കളിക്കാനാകില്ല. യുറു​ഗ്വെ ദേശീയ ടീമിനൊപ്പമുള്ള സുവാരസിന്റെ കോവിഡ് പരിശോധനാഫലം കഴിഞ്ഞ ദിവസമാണ് പോസിറ്റീവായത്. ഇതോടെ നാളെ നടക്കുന്ന ബ്രസീലിനെതിരായ യുറു​ഗ്വെയുടെ ലോകകപ്പ് യോ​ഗ്യതാ മത്സരവും സുവാരസിന് നഷ്ടമാകും.

അത്ലെറ്റിക്കോ മഡ്രിഡിനായി ഇതുവരെ ആറ് ലാ ലി​ഗ മത്സരങ്ങളാണ് സുവാരസ് കളിച്ചത്. ഇതിൽ നിന്ന് അഞ്ച് ​ഗോളുകളും ഈ യുറു​ഗ്വെ താരം നേടിക്കഴിഞ്ഞു.

The post ബാഴ്സയോട് പ്രതികാരം ചെയ്യാൻ സുവാരസുണ്ടാകില്ല; കാരണമിത് appeared first on SPORTS MALAYALAM.

from SPORTS MALAYALAM https://ift.tt/2ILWpWC
via IFTTT