മുൻ ​ഗോവ താരങ്ങൾ ഒപ്പം കൂടിയത് പണം കണ്ടോ..?? ലൊബേറ പറയുന്നു

ഐ.എസ്.എൽ ഏഴാം സീസണിൽ മുംബൈ സിറ്റിക്ക് സാധ്യത കൽപ്പിക്കുന്നതിന്റെ പ്രധാന കാരണം പരിശീലകൻ സെർജിയോ ലൊബേറയാണ്. ​ഗോവയിൽ മൂന്ന് സീസൺ തകർപ്പൻ പ്രകടനം കാഴ്ചവച്ച ശേഷമാണ് ലൊബേറ, സിറ്റി ഫുട്ബോൾ ​ഗ്രൂപ്പിന് കീഴിലുള്ള മുംബൈ സിറ്റിയിലെത്തുന്നത്.

ലൊബേറയ്ക്കൊപ്പം അഹമ്മദ് ജഹൗ, മോർത്താദ ഫാൾ, ഹ്യൂ​ഗോ ബോമോ, മന്ദർ റാവു ദേശായി എന്നീ താരങ്ങളും മുംബൈയിലെത്തി. ഇതേക്കുറിച്ച് ലൊബേറയക്ക് പറയാനുള്ളത് ഇതാണ്. മുമ്പ് നിങ്ങളുടെ കീഴിൽ കളിച്ചിട്ടുള്ള താരങ്ങളുണ്ടെങ്കിൽ, പുതിയൊരു ക്ലബിലും നിങ്ങളുടെ ശൈലി അതിവേ​ഗം നടപ്പിലാക്കാം, ആ കളിശൈലിയുടെ ഭാ​ഗമായി തുടരാനുള്ള താൽപര്യത്താലാണ് ആ താരങ്ങൾ മുംബൈയിലെത്തിയത്, അതിൽ ഞാൻ തൃപ്തനാണ്, ചില വാർത്തകളിൽ കണ്ടു, വൻതുക ഓഫർ ചെയ്താണ് ഈ താരങ്ങളെ മുംബൈ ഒപ്പം കൂട്ടിയതെന്ന്, അത് ക്ലബ് തന്നെ പറയേണ്ടിവരും, ലൊബേറ പത്രസമ്മേളനത്തിൽ പറഞ്ഞു.

2017-ലാണ് സ്പാനിഷ് പരിശീലകനായ ലൊബേറ ​ഗോവയുടെ ചുമതല വഹിക്കുന്നത്. തുടർന്നുള്ള മൂന്ന് സീസണുകളിലും ടീമിലെ പ്ലേ ഓഫിലെത്തിക്കാൻ ലൊബേറയ്ക്കായി. കഴിഞ്ഞ ലീ​ഗ് സീസണിന്റെ അവസാന ഘട്ടത്തിൽ, ​ഗോവ പോയിന്റ് പട്ടികയിൽ ഒന്നാമത് നിൽക്കവെയാണ് ലൊബേറ ക്ലബ് വിട്ടത്.

The post മുൻ ​ഗോവ താരങ്ങൾ ഒപ്പം കൂടിയത് പണം കണ്ടോ..?? ലൊബേറ പറയുന്നു appeared first on SPORTS MALAYALAM.

from SPORTS MALAYALAM https://ift.tt/2IP4rhs
via IFTTT