ഇന്ത്യൻ സൂപ്പർ ലീഗ് ഒമ്പതാം സീസണിന് തയ്യാറെടുക്കുന്ന നോർത്ത് ഈസ്റ്റ് യുണൈറ്റഡ് ഒരു സ്പാനിഷ് താരത്തെ റാഞ്ചുമെന്ന് സൂചന. സ്പെയിനിൽ നിന്നുള്ള മിഡ്ഫീൽഡറായ ജോൺ ഗാസ്താൻഗയെ ഒപ്പം കൂട്ടാനാണ് നോർത്ത് ഈസ്റ്റിന്റെ നീക്കം. ഖേൽനൗവാണ് ഇക്കാര്യം റിപ്പോർട്ട് ചെയ്തത്.
31-കാരനായ ജോൺ ഡിഫൻസീവ് മിഡ്ഫീൽഡറാണ്. സെന്റർ ബാക്കായി കൂടി കളിക്കാൻ കഴിയുന്ന താരമാണ് ജോൺ. ഒരു വർഷത്തെ കരാറാണ് ജോൺ നോർത്ത് ഈസ്റ്റുമായി ഒപ്പുവയ്ക്കുക എന്നാണ് സൂചന. വൈകാതെ തന്നെ ജോൺ ഗുവാഹത്തിയിൽ നോർത്ത് ഈസ്റ്റ് സ്ക്വാഡിനൊപ്പം ചേരുമെന്നാണ് റിപ്പോർട്ടുകൾ.
സ്പെയിനിലെ സൂപ്പർക്ലബായ റയൽ സോസിദദിന്റെ യൂത്ത് ടീം പ്രോഡക്റ്റാണ് ജോൺ. അവരുടെ ബി ടീമിനായി നൂറിലേറെ മത്സരങ്ങൾ കളിച്ച ജോൺ സീനിയർ ടീമിനായി ലാ ലിഗയിലും ബൂട്ടുകെട്ടിയിട്ടുണ്ട്. സീനിയർ ടീമിൽ വളരെ കുറച്ച് മത്സരങ്ങൾ മാത്രമാണ് ജോണിന് കളിക്കാനായത്. അതിൽ ഒരു ചാമ്പ്യൻസ് ലീഗ് പോരാട്ടവും ഉൾപ്പെടുമെന്നത് ശ്രദ്ധേയമാണ്.
സോസിദദ് വിട്ടശേഷം നുമാൻസിയ,ജിംനാസ്റ്റിക്ക് തുടങ്ങിയ സ്പാനിഷ് ക്ലബുകൾക്കായും ജോൺ കളിച്ചു. പിന്നീട് സൈപ്രസിലേക്കും റൊമാനിയയിലേക്കും പോയ ജോൺ കഴിഞ്ഞ വർഷം കൾച്ചറൽ ലിയോനെസയിലൂടെ സ്പെയിനിൽ തിരിച്ചെത്തി. തുടർന്നാണിപ്പോൾ ഇന്ത്യയിലേക്ക് വരാനൊരുങ്ങുന്നത്. 2008-ൽ സ്പെയിനൊപ്പം അണ്ടർ 17 യൂറോ കപ്പും ജോൺ നേടിയിട്ടുണ്ട്.
The post മിഡ്ഫീൽഡിൽ സ്പാനിഷ് മസാല; നോർത്ത് ഈസ്റ്റിന്റെ പുതിയ നീക്കമിങ്ങനെ appeared first on SPORTS MALAYALAM.
from SPORTS MALAYALAM https://ift.tt/1Nt3RaK
via IFTTT
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment