ഫൈനലിൽ തിരിച്ചടിയായത് അക്കാര്യം; ​ഗ്രേസൻ വിശദീകരിക്കുന്നു

ഇന്ത്യൻ സൂപ്പർ ലീ​ഗിന്റെ ഒമ്പതാം സീസണിൽ ബെം​ഗളുരു നടത്തിയ സ്വപ്നതുല്യമായ തിരിച്ചുവരവിന് എന്നാൽ കിരീടത്തെ കൈയ്യെത്തിപ്പിടിക്കാനായില്ല. ​ഗോവയിൽ നടന്ന കലാശപ്പോരിൽ എടികെ മോഹൻ ബ​ഗാനാണ് ബെം​ഗുളുരുവിന് പെനാൽറ്റി ഷൂട്ടൗട്ടിൽ വീഴ്ത്തിയത്.

സീസണിന്റെ ഒരു ഘട്ടത്തിൽ തകർന്നടിഞ്ഞുപോയെ ബെം​ഗളുരു പിന്നീട് അവിശ്വസനീയ തിരിച്ചുവരാണ് നടത്തിയത്. ഈ തിരിച്ചുവരവിലൂടെ പലരുടേയും വിലയിരുത്തലുകൾ തെറ്റാണെന്ന് തെളിയിക്കാൻ തങ്ങൾക്കായെന്ന് ബെം​ഗളുരു പരിശീലകൻ സൈമൺ ​ഗ്രേസൻ പറഞ്ഞു. നാല് മാസം മുമ്പ് ഞങ്ങൾ ഫൈനൽ വരെയെത്തുമെന്ന് ആരും കരുതിയില്ല, ഞങ്ങളുടെ തന്നെ പല ആരാധകരും അത് പ്രതീക്ഷിച്ചില്ല, എന്നാൽ പലരുടേയും ധാരണകളും വിലയിരുത്തലുകളും തെറ്റിയെന്ന് തെളിയിക്കാൻ ഞങ്ങൾക്കായി, എന്നാൽ നിർഭാ​ഗ്യവശാൽ ഫൈനലിലെ പെനാൽറ്റി ഷൂട്ടൗട്ടിൽ ചില പാളിച്ചകൾ പറ്റി, ​ഗ്രേസൻ പത്രസമ്മേളനത്തിൽ പറഞ്ഞു.

യുവതാരം ശിവശക്തി നാരായാണന് മത്സരത്തിന്റെ തുടക്കത്തിൽ തന്നെ പരുക്കേറ്റ് പുറത്താകേണ്ടിവന്നത് തിരിച്ചടിയായെന്നും ​ഗ്രേസൻ വിശദീകരിച്ചു. ശിവയ്ക്ക് പരുക്കേറ്റതോടെ മത്സരത്തിന്റെ 30 സെക്കൻഡിനുള്ളിൽ തന്നെ ഞങ്ങൾ തകർന്നുപോയി, സീസണിലുടനീളം മിന്നുന്നോ ഫോമിൽ കളിച്ച താരത്തെ അത്ര നേരത്തെ നഷ്ടമായത് ഞങ്ങൾക്ക് കനത്ത അടിയായി, ​ഗ്രേസൻ പറഞ്ഞു.

മത്സരത്തിലെ റെഫിറിയിങ് തീരുമാനങ്ങളെക്കുറിച്ചും ​ഗ്രേസൻ വിശദീകരിച്ചു. ഞങ്ങൾ നന്നായിട്ടാണ് മത്സരം തുടങ്ങിയത്, കളിയിൽ മികച്ചുനിന്നതും ഞങ്ങളായിരുന്നു, റോയ് കൃഷ്ണയെ പ്രീതം കോട്ടാൽ വീഴ്ത്തിയതിന് ഒരു പെനാൽറ്റി ‍ഞങ്ങൾക്ക് കിട്ടേണ്ടതായിരുന്നു, ഇപ്പോൾ ആ റെഫറി തീരുമാനങ്ങളെക്കുറിച്ച് പറയുന്നത് ബുദ്ധിമുട്ടാണ്, വരും വർഷങ്ങളിൽ ഇന്ത്യൻ റെഫറിമാർ മെച്ചപ്പെടുമെന്ന് എനിക്കുറപ്പുണ്ട്, ​ഗ്രേസൻ പറഞ്ഞു.

The post ഫൈനലിൽ തിരിച്ചടിയായത് അക്കാര്യം; ​ഗ്രേസൻ വിശദീകരിക്കുന്നു appeared first on SPORTS MALAYALAM.

from SPORTS MALAYALAM https://ift.tt/CFJwbAH
via IFTTT