ബെം​ഗളുരുവിനെ നേരിടുമ്പോൾ അതീവശ്രദ്ധ വേണം; ബക്കിങ്ങാം പറയുന്നു

ഇന്ത്യൻ സൂപ്പർ ലീ​ഗ് ഒമ്പതാം സീസണിലെ ആദ്യ സെമിഫൈനലിന്റെ ഒന്നാം പാദം ഇന്ന് നടക്കും. മുംബൈയിൽ നടക്കുന്ന പോരാട്ടത്തിൽ ആതിഥേയരായ മുംബൈ സിറ്റി ബെം​ഗളുരു എഫ്സിയെയാണ് നേരിടുന്നത്. ഞായറാഴ്ച ബെം​ഗളുരുവിന്റെ തട്ടകത്തിൽ രണ്ടാം പാദവും അരങ്ങേറും.

സീസണിൽ ഉജ്ജ്വലപ്രകടനം നടത്തി വളരെ നേരത്തെ തന്നെ പ്ലേ ഓഫും ലീ​ഗ് ഷീൽഡും സ്വന്തമാക്കിയ ടീമാണ് മുംബൈ. എന്നാൽ ബെം​ഗളുരുവാകട്ടെ സീസൺ തുടക്കത്തിൽ പതറിപ്പോയശേഷം പിന്നീട് തിരിച്ചെത്തിയ ടീമും. ഐഎസ്എൽ ലീ​ഗ് ഘട്ടത്തിൽ മുംബൈയെ ആദ്യമായി തോൽപ്പിച്ച ടീം കൂടിയാണ് ബെം​ഗളുരു, കഴിഞ്ഞ കുറേ മത്സരങ്ങളായി തകർപ്പൻ ഫോമിലുള്ള ബെം​ഗളുരുവിനെ നേരിടുമ്പോൾ അങ്ങേയറ്റം ശ്രദ്ധിക്കണമെന്നാണ് മുംബൈ പരിശീലകൻ ഡെസ് ബക്കിങ്ങാം പറയുന്നത്.

ബെം​ഗളുരുവിന്റേത് വളരെ മികച്ച സ്ക്വാഡാണ്, കഴിഞ്ഞ എട്ടോ ഒമ്പതോ മത്സരങ്ങളായി അവർക്ക് മികച്ച റിസൾട്ട് കിട്ടുന്നുണ്ട്, അതിനുകാരണം അവർ തങ്ങൾക്ക് ഏറ്റവും യോജിച്ച ശൈലി കണ്ടെത്തിയതുകൊണ്ടാണ്, ലീ​ഗ് ഘട്ടത്തിൽ രണ്ട് തവണയും ഡ്യൂറാൻഡ് കപ്പ് ഫൈനലിലും ഞങ്ങൾ അവരെ നേരിട്ടിട്ടുണ്ട്, എങ്ങനെയാണ് കളിക്കേണ്ടത് എന്ന കാര്യത്തിൽ വളരെ വ്യക്തമായ പ്ലാൻ അവർക്കുണ്ട്, അതുകൊണ്ട് തന്നെ ചില സാഹചര്യങ്ങളിൽ ബെം​ഗളുരവിനെ എങ്ങനെ നേരിടണമെന്ന കാര്യത്തിൽ വളരെയധികം ശ്രദ്ധ വേണം, ഡെസ് പത്രസമ്മേളനത്തിൽ പറഞ്ഞു.

The post ബെം​ഗളുരുവിനെ നേരിടുമ്പോൾ അതീവശ്രദ്ധ വേണം; ബക്കിങ്ങാം പറയുന്നു appeared first on SPORTS MALAYALAM.

from SPORTS MALAYALAM https://ift.tt/grOfoJZ
via IFTTT