ഇംഗ്ലീഷ് പ്രീമിയർ ലീഗിൽ നൂറ് ഗോൾ നേടുന്ന ആദ്യ ഏഷ്യൻ താരമെന്ന റെക്കോർഡ് ഹ്യൂങ് മിൻ സോണിന്. ടോട്ടനം ഹോട്സ്പർസിന് വേണ്ടി കളിക്കുന്ന ദക്ഷിണകൊറിയൻ താരമാണ് സോൺ. കഴിഞ്ഞ ദിവസം ബ്രൈട്ടനെതിരെ നടന്ന ലീഗ് മത്സരത്തിലാണ് സോൺ ഈ റെക്കോർഡ് കൈവരിച്ചത്.
30-കാരനായ സോൺ, 2015-ൽ ജർമൻ ക്ലബ് ബയേർ ലെവർക്യൂസനിൽ നിന്നാണ് ടോട്ടനത്തിലേക്ക് വരുന്നത്. അതേവർഷം തന്നെ ക്രിസ്റ്റൽ പാലസിനെതിരായണ് സോൺ ആദ്യ പ്രീമിയർ ലീഗ് ഗോൾ നേടുന്നത്. ഇതുവരെ 260 പ്രീമിയർ ലീഗ് മത്സരങ്ങളാണ് സോൺ കളിച്ചത്. 2021-22 സീസണിലാണ് സോൺ ഏറ്റവും മികച്ച ഗോൾവേട്ട ക്ലബിനായി നടത്തിയത്. 35 ലീഗ് മത്സരങ്ങളിൽ നിന്ന് 23 ഗോൾ നേടി അക്കുറി ഗോൾഡൻ ബൂട്ടും സോൺ സ്വന്തമാക്കി. ഈ നേട്ടം കൈവരിക്കുന്ന ആദ്യ ഏഷ്യൻ താരം കൂടിയാണ് സോൺ.
ടോട്ടനത്തിനായി ഏല്ലാ മത്സരപ്പോരാട്ടങ്ങളിൽ നിന്നുമായി 364 തവണയാണ് സോൺ ബൂട്ടുകെട്ടിയത്. ആകെ 142 ഗോളുകളാണ് സോണിന്റെ അക്കൗണ്ടിലുള്ളത്. എക്കാലത്തേയും മികച്ച ഏഷ്യൻ താരങ്ങളിലൊരാളായി പരിഗണിക്കപ്പെടുന്ന സോൺ ദക്ഷിണ കൊറിയ ദേശീയ ടീമിന്റെ നായകൻ കൂടിയാണ്.
The post ഗോൾ സെഞ്ച്വറി; പ്രീമിയർ ലീഗിൽ ചരിത്രമെഴുതി സോൺ appeared first on SPORTS MALAYALAM.
from SPORTS MALAYALAM https://ift.tt/zcVLbrf
via IFTTT
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment