മെസിയുടെ ​ഗോൾ നിഷേധിച്ചു; അർജന്റീനയ്ക്ക് സമനില മാത്രം

ലോകകപ്പ് യോ​ഗ്യതാ റൗണ്ട് പോരാട്ടത്തിൽ കരുത്തരായ അർജന്റീനയ്ക്ക് സമനില മാത്രം. ലാറ്റിനമേരിക്കൻ മേഖലയിൽ നിന്നുള്ള പോരാട്ടത്തിൽ പരാ​ഗ്വെയാണ് അർജന്റീനയെ സമനിലയിൽ തളച്ചത്. ഇരുടീമുകളും ഓരോ ​ഗോൾ വീതം നേടി.

അർജന്റീനയിൽ നടന്ന മത്സരത്തിൽ സന്ദർശകരാണ് ആദ്യം​ ​ഗോൾ നേടിയത്. മി​ഗ്വേൽ അൽമിറോണിനെ അർജന്റൈൻ താരം വീഴ്ത്തിയതിന് ലഭിച്ച പെനാൽറ്റി വലയിൽ കയറ്റി എയ്ഞ്ചൽ റൊമേറോയാണ് പരാ​ഗ്വെയെ മുന്നിലെത്തിച്ചത്. പരാ​ഗ്വെയുടെ ഈ ലീഡിന്റെ ആയുസ് ഇരുപത് മിനിറ്റായിരുന്നു. 41-ാം മിനിറ്റിൽ നിക്കോളാസ് ​ഗോൺസാലിസിലൂടെ അർജന്റീന ഒപ്പമെത്തി. ജിയോവാനി ലോ കെൽസോയുടെ കോർണർ കിക്കിൽ നിന്നായികരുന്നു ഈ ​ഗോൾ.

മത്സരത്തിന്റെ രണ്ടാം പകുതിയിൽ സൂപ്പർതാരം ലയണൽ മെസി ഒരു ​ഗോൾ നേടിയെങ്കിലും വാർ പരിശോധനയിൽ അത് അസാധുവായി. ​ഗോളിനായുള്ള ബിൽഡ് അപ്പിൽ അർജന്റൈൻ താരം നിക്കോളാസ് ഡോമിം​ഗ്വോസ് പരാ​ഗ്വെ താരത്തെ ഫൗൾ ചെയ്തത് ചൂണ്ടിക്കാട്ടിയാണ് ​ഗോൾ നിഷേധിച്ചത്. പരാ​ഗ്വെയോട് സമനിലയായെങ്കിലും മൂന്ന് മത്സരങ്ങളിൽ നിന്ന് ഏഴ് പോയിന്റുമായി അർജന്റീന തന്നെയാണിപ്പോഴും ലാറ്റനമേരിക്കയിൽ മുന്നിൽ.

The post മെസിയുടെ ​ഗോൾ നിഷേധിച്ചു; അർജന്റീനയ്ക്ക് സമനില മാത്രം appeared first on SPORTS MALAYALAM.

from SPORTS MALAYALAM https://ift.tt/3prLcen
via IFTTT