ബഷുന്ധര ​ഗ്രൂപ്പുമായി ചർച്ചകൾ തുടങ്ങി; സ്ഥിരീകരണവുമായി ഈസ്റ്റ് ബം​ഗാൾ

ഇന്ത്യൻ സൂപ്പർ ലീ​ഗ് ഈസ്റ്റ് ബം​ഗാളിന്റെ അടുത്ത ഐഎസ്എൽ സീസണിനായുള്ള തയ്യാറെടുപ്പുകൾ തുടങ്ങിക്കഴിഞ്ഞു. കളിക്കളത്തിലെ പ്രകടനം മെച്ചപ്പെടുത്തുക എന്നതിനൊപ്പം ഭരണതലത്തിലെ പ്രശ്നങ്ങൾ പരിഹ​രിക്കുക എന്നതും ഈ കൊൽക്കത്ത ക്ലബിന് മുന്നിലുള്ള വെല്ലുവിളിയാണ്.

പുറത്തുവരുന്ന റിപ്പോർട്ടുകൾ പ്രകാരം ബം​ഗ്ലാദേശിൽ നിന്നുള്ള ബഷുന്ധര ​ഗ്രൂപ്പ് ഈസ്റ്റ് ബം​ഗാളിൽ പണം നിക്ഷേപിക്കാൻ തയ്യാറായേക്കും. കഴിഞ്ഞ ദിവസം ബഷുന്ധര ​ഗ്രൂപ്പ് എംഡി സയേം സോബൻ അൻവിറിന് ഈസ്റ്റ് ബം​ഗാൾ അധികൃതർ കൊൽക്കത്തയിൽ വലിയ സ്വീകരണം നൽകിയിരുന്നു. ക്ലബിൽ ആജീവനന്ത അം​ഗത്വവും ഈ ബം​ഗ്ലാദേശി വ്യവസായിക്ക് ലഭിച്ചു. ഇതോടെ ബഷുന്ധര ​ഗ്രൂപ്പ് ഈസ്റ്റ് ബം​ഗാൾ പണമെറയുമെന്ന കാര്യം ഏതാണ്ട് ഉറപ്പായതാണ് റിപ്പോർട്ട്.

സ്പോർട്സ്കീഡയുടെ റിപ്പോർട്ട് പ്രകാരം വ്യാഴാഴ്ച ഈസ്റ്റ് ബം​ഗാൾ ഉന്നതരും ബഷുന്ധ ​ഗ്രൂപ്പ് പ്രതിനിധികളും തമ്മിൽ കൊൽക്കത്തയിലെ ഒരു ആഡംബര ഹോട്ടലിൽ ചർച്ച നടന്നിരുന്നു. ഈ ചർച്ചയിൽ എന്തെങ്കിലും കാര്യത്തിൽ അന്തിമ തീരുമാനമായോ എന്നത് വ്യക്തമല്ല. എങ്കിലും ഇരുകൂട്ടരും തമ്മിൽ ചർച്ചകൾ സജീവമാണെന്ന് ഈസ്റ്റ് ബം​ഗാൾ എക്സിക്യൂട്ടീവ് കമ്മിറ്റി അം​ഗം ദേബബ്രത സർക്കാർ സ്ഥിരീകരിച്ചു.

കുറച്ചുദിവസങ്ങൾക്ക് മുമ്പ് ഞങ്ങൾ ബഷുന്ധര ​ഗ്രൂപ്പിനെ സമീപിച്ചിരുന്നു, എന്നാൽ മാധ്യമങ്ങളോടെ കാര്യങ്ങൾ വെളിപ്പെടുത്താൻ പറ്റുന്ന ഒരു ഘ‌ട്ടം ആയിട്ടില്ല, എങ്കിലും ബഷുന്ധര ​ഗ്രൂപ്പുമായി ചർച്ച ന‌ടക്കുന്നുണ്ടെന്ന് എനിക്ക് പറയാനാകും, ദേബബ്രത സ്പോർട്സ്കീഡയോട് പറഞ്ഞു.

അതേസമയം ശ്രീസിമെന്റ്സാണ് ഇപ്പോൾ ഈസ്റ്റ് ബം​ഗാളിന്റെ നിക്ഷേപകർ. ശ്രീ സിമെന്റ്സ് ഇക്കുറി ക്ലബുമായി വേർപിരിയുമെന്നാണ് സൂചനകൾ. എന്നാൽ ശ്രീ സിമെന്റ്സുമായി തങ്ങൾക്ക് യാതൊരു പ്രശ്നങ്ങളുമില്ലെന്നും, തങ്ങൾ മുന്നോട്ടുവയ്ക്കുന്ന ഉപാധികൾ അം​ഗ​ഗീകരിച്ചാൽ അവരോടൊപ്പം തുടരുന്നതിൽ തടസമൊന്നുമില്ലെന്നും ദേബബ്രത വ്യക്തമാക്കി.

The post ബഷുന്ധര ​ഗ്രൂപ്പുമായി ചർച്ചകൾ തുടങ്ങി; സ്ഥിരീകരണവുമായി ഈസ്റ്റ് ബം​ഗാൾ appeared first on SPORTS MALAYALAM.

from SPORTS MALAYALAM https://ift.tt/VWZkj3H
via IFTTT