നിക്ഷേപകരായല്ല, മാഞ്ചസ്റ്റർ യുണൈറ്റഡ് വരുന്നത് ഉടമകളായി; സൂചന നൽകി ​ഗാം​ഗുലി

കൊൽക്കത്തയിലെ സൂപ്പർ ക്ലബായ ഈസ്റ്റ് ബം​ഗാളുമായി ബന്ധപ്പെട്ട് വാർത്തകളുടെ പെരുമഴയാണ് വന്നുകൊണ്ടിരിക്കുന്നത്. ശ്രീ സിമെന്റ്സ് കഴിഞ്ഞ സീസണോടെ ഈസ്റ്റ് ബം​ഗാളുമായുള്ള ബന്ധം അവസാനിപ്പിച്ചിരുന്നു. ഇതോടെ പുതിയ നിക്ഷേപകരെ തേടുകയണ് ഈസ്റ്റ് ബം​ഗാൾ.

ബം​ഗ്ലാദേശിലെ പ്രശസ്തമായ ബഷുന്ധര ​ഗ്രൂപ്പ് ഈസ്റ്റ് ബം​ഗാൾ നേതൃത്വത്തിലേക്ക് വരുമെന്ന് സൂചനകൾ ശക്തമായിരുന്നു. ഇക്കാര്യത്തിൽ ചർച്ചകളും വളരെയധികം മുന്നോട്ടുപോയിരുന്നു. എന്നാൽ ഇതിനിടെയാണ് ഇം​ഗ്ലീഷ് സൂപ്പർക്ലബായ മാഞ്ചസ്റ്റർ യുണൈറ്റഡ്, ഈസ്റ്റ് ബം​ഗാളിൽ പണമിറക്കുമെന്ന് വാർത്തകൾ പരന്നത്. ക്രിക്കറ്റ് ഇതിഹാസവും ബിസിസിഐ പ്രസിഡന്റുമായ സൗ​രവ് ​ഗാം​ഗുലിയാണ് ഈ നീക്കങ്ങൾക്ക് ചുക്കാൻ പിടിക്കുന്നതെന്നും വാർത്തകൾ വന്നിരുന്നു. ഇക്കാര്യത്തിലിപ്പോൾ സ്ഥിരീകരണം നൽകിയിരിക്കുകയാണ് ​ഗാം​ഗുലി.

മാഞ്ചസ്റ്റർ യുണൈറ്റഡും മറ്റ് ചിലരുമായി ഞങ്ങൾ ചർച്ചകൾ നടത്തിക്കൊണ്ടിരിക്കുകയാണ്, എന്നാൽ ഇക്കാര്യത്തിൽ വ്യക്തത വരാൻ രണ്ടാഴ്ചയെങ്കിലും വേണ്ടിവരും, ​ഗാം​ഗുലി പറഞ്ഞതായി പിടിഐ റിപ്പോർട്ട് ചെയ്തു.അതേസമയം തന്നെ ക്ലബിൽ നിക്ഷേപകരായാണോ യുണൈറ്റഡ് എത്തുകയെന്ന ചോദ്യത്തിന്, അല്ല ഉടമകളായിട്ടാകും വരവെന്നും ​ഗാം​ഗുലി കൂട്ടിച്ചേർത്തു.

The post നിക്ഷേപകരായല്ല, മാഞ്ചസ്റ്റർ യുണൈറ്റഡ് വരുന്നത് ഉടമകളായി; സൂചന നൽകി ​ഗാം​ഗുലി appeared first on SPORTS MALAYALAM.

from SPORTS MALAYALAM https://ift.tt/LdByOPt
via IFTTT