ഇന്ത്യൻ സൂപ്പർ ലീഗ് ക്ലബ് ഈസ്റ്റ് ബംഗാളിലേക്കില്ലെന്ന് മലയാളി മുന്നേറ്റതാരം എം അലോഷ്യസ്. ഐ-ലീഗ് ക്ലബ് രാജസ്ഥാൻ യുണൈറ്റഡിനായി കളിക്കുന്ന അലോഷ്യസ്, ഐ-ലീഗിലെ തന്നെ റയൽ കശ്മീരിലേക്കാകും ഇനി കൂടുമാറുക. സ്പോർട്സ് മലയാളത്തിന് ഇക്കാര്യം സ്ഥിരീകരിക്കാനാകും.
കഴിഞ്ഞ ഐ-ലീഗിൽ രാജസ്ഥാൻ അരങ്ങേറിയതിന് പിന്നാലെയാണ് 24-കാരനായ അലോഷ്യസിനെ സ്വന്തമാക്കിയത്. ലീഗിൽ രാജസ്ഥാന് വേണ്ടി തകർപ്പൻ പ്രകടനമാണ് അലോഷ്യസ് പുറത്തെടുത്തത്. 12 മത്സരങ്ങളിൽ കളിച്ച അലോഷ്യസ്, മൂന്ന് ഗോൾ നേടി. ഈ തകർപ്പൻ പ്രകടനത്തോടെ താരം ഇക്കുറി ഐഎസ്എല്ലിലേക്ക് കൂടുമാറുമെന്നാണ് കരുതപ്പെട്ടിരുന്നത്. ഈസ്റ്റ് ബംഗാളുമായി കരാറിന്റെ വക്കോളമെത്തിയതുമാണ് അലോഷ്യസ്. എന്നാലിപ്പോൾ താരം ഐ-ലീഗിൽ തന്നെ തുടരാൻ തീരുമാനിച്ചിരിക്കുകയാണ്.
ഒരു സീസൺ കൂടി ഐ-ലീഗിൽ തുടരുന്നതിലൂടെ കൂടുതൽ ഗെയിം ടൈം ലഭിക്കുമെന്നാണ് അലോഷ്യസിന്റെ പ്രതീക്ഷ. ഒരു വർഷത്തെ കരാറാണ് താരം റയൽ കശ്മീരുമായി ഒപ്പുവച്ചത്. ഗോകുലം കേരളയുടേയും റൗണ്ട്ഗ്ലാസ് പഞ്ചാബിന്റേയും ഓഫറുകൾ നിരസിച്ചാണ് അലോഷ്യസ്, കശ്മീർ ടീമിനൊപ്പം ചേരുന്നത്.
The post മലയാളി താരം ഈസ്റ്റ് ബംഗാളിലേക്കില്ല; പുതിയ തട്ടകം തീരുമാനമായി appeared first on SPORTS MALAYALAM.
from SPORTS MALAYALAM https://ift.tt/uaCrpTH
via IFTTT
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment