പോയിന്റ് പട്ടിക ശൂന്യം; തലതാഴ്ത്തി ഖത്തർ

വൻ തയ്യാറെടുപ്പുകളുമായാണ് ഇക്കുറി ഖത്തർ ഫിഫ ലോകകപ്പിന് ആതിഥേയത്വം വഹിച്ചത്. ​ഗംഭീരമായ ഉദ്ഘാടനച്ചടങ്ങുകൾ ലോകശ്രദ്ധേയമായി. എന്നാൽ കളിക്കളത്തിലേക്കെത്തിയപ്പോൾ മികവിലേക്കുയരാൻ ആതിഥേയരാജ്യത്തിന് കഴിഞ്ഞിട്ടില്ല.

ഏ ​ഗ്രൂപ്പിലെ മത്സരങ്ങൾ പൂർത്തിയാകുമ്പോൾ കളിച്ച മൂന്നിലും തോറ്റാണ് ഖത്തർ ലോകകപ്പിനോട് വിടപറയുന്നത്. ലോകകപ്പ് ഫുട്ബോളിന്റെ ചരിത്രത്തിൽ ആദ്യമായാണ് ഒരു ആതിഥേയരാജ്യം ​ഗ്രൂപ്പ് ഘട്ടത്തിൽ ഒരു പോയിന്റ് പോലുമില്ലാതെ പോരാട്ടമവസാനിപ്പിക്കുന്നത്. ലോകകപ്പ് ഉദ്​ഘാടനമത്സരത്തിൽ ഇക്വഡോറിനോട് എതിരില്ലാത്ത രണ്ട് ​​ഗോളിനാണ് ഖത്തർ തോറ്റത്. തുടർന്ന് നടന്ന മത്സരങ്ങളിൽ സെന​ഗലിനോട് ഒന്നിനെതിരെ മൂന്ന് ​ഗോളിനോ തോറ്റപ്പോൾ അവസാനപോരാട്ടത്തിൽ കരുത്തരായ നെതർലൻഡ്സിനോട് എതിരില്ലാത്ത രണ്ട് ​ഗോൾ വഴങ്ങിയാണ് ഖത്തർ കീഴടങ്ങിയത്.

അതിഥേയരെന്ന നിലയിലാണ് ഖത്തർ ലോകകപ്പ് കളിച്ചത്. ഇത് ലോകകപ്പിലെ ഖത്തറിന്റെ ആദ്യ അങ്കം കൂടിയായിരുന്നു. സ്പാനിഷ് പരിശീലകൻ ഫെലിക്സ് സാഞ്ചസിന്റെ കീഴിലാണ് ഖത്തർ കളിക്കുന്നത്. നേരത്തെ 2019-ൽ ഏഷ്യാ കപ്പിൽ കരീടമുയർത്തിയ ചരിത്രം ഖത്തറിനുണ്ട്. എന്നാൽ സ്വന്തം നാട്ടിലെ ലോകകപ്പിൽ ഈ പ്രകടനത്തിന്റെ പത്തിലൊന്ന് പോലും പുറത്തെടുക്കാൻ ഖത്തറിന് സാധിച്ചില്ല.

The post പോയിന്റ് പട്ടിക ശൂന്യം; തലതാഴ്ത്തി ഖത്തർ appeared first on SPORTS MALAYALAM.

from SPORTS MALAYALAM https://ift.tt/1S9J8FR
via IFTTT