അങ്ങനെയെങ്കിൽ പെപ്പ് എട്ട് തവണയെങ്കിലും പുറത്താകേണ്ടതാണ്; പോച്ചെറ്റീനോ പറയുന്നു

നിലവിൽ ഒരു ക്ലബുമായും കരാറിലില്ലാത്ത മികച്ച പരിശീലകരിലൊരാളാണ് മൗറീഷ്യോ പോച്ചെറ്റീനോ. ഫ്രഞ്ച് ക്ലബ് പിഎസ്ജിയുടെ പരിശീലകനായിരുന്ന പോച്ചെറ്റീനോയെ, ഈ സീസണിന് മുമ്പായി ക്ലബ് പുറത്താക്കിയിരുന്നു. ഇതിനുശേഷം ഒട്ടേറെ ഓഫറുകൾ വന്നെങ്കിലും ഏറ്റവും മികച്ചതിനായി കാത്തിരിക്കുകയാണ് പോച്ചെറ്റീനോ ഇപ്പോഴും.

പിഎസ്ജി പരിശീലകനെന്ന നിലയിൽ ലീ​ഗ് കിരീടം നേടാൻ പോച്ചെറ്റീനോയ്ക്കായി. എന്നാൽ ചാമ്പ്യൻസ് ലീ​ഗിൽ പോച്ചെറ്റീനോയ്ക്ക് കാര്യമായൊന്നും ചെയ്യാനായില്ല. ചാമ്പ്യൻസ് ലീ​ഗിലെ നിരാശപ്പെടുത്തുന്ന പ്രകടനമാണ് പോച്ചെറ്റീനോയ്ക്ക് പിഎസ്ജിയുടെ പുറത്തേക്ക് വഴിതെളിച്ചതെന്ന് വാർത്തകൾ വന്നിരുന്നു. എന്നാൽ അതൊക്കെ നിഷേധിക്കുകയാണിപ്പോൾ പോച്ചെറ്റീനോ.

ചാമ്പ്യൻസ് ലീ​ഗ് വിജയിക്കാത്തതിനാലാണ് ഞാൻ പിഎസ്ജി വിട്ടതെന്നത് തെറ്റായ വിവരമാണ്, അങ്ങനെയൊരു സാഹചര്യമാണെങ്കിൽ പെപ്പ് ​ഗ്വാർഡിയോള ഇതിനകം ഏഴോ എട്ടോ തവണ പുറത്താകേണ്ടതാണ്, പുറത്തുവരുന്ന വാർത്തകൾ പോലെയല്ല കാര്യങ്ങൾ, പോച്ചെറ്റീനോ പറഞ്ഞതായി ​ഗോൾ ഡോട്ട് കോമടക്കം വിവിധ മാധ്യമങ്ങൾ റിപ്പോർട്ട് ചെയ്തു.

The post അങ്ങനെയെങ്കിൽ പെപ്പ് എട്ട് തവണയെങ്കിലും പുറത്താകേണ്ടതാണ്; പോച്ചെറ്റീനോ പറയുന്നു appeared first on SPORTS MALAYALAM.

from SPORTS MALAYALAM https://ift.tt/1kHoQsz
via IFTTT