ഒരു ടാക്ടിക്കൽ പിഴവാണ് വിനയായത്; ഇവാൻ പറയുന്നു

ഇന്ത്യൻ സൂപ്പർ ലീ​ഗിൽ ഇന്നലെ നടന്ന ആവേശപ്പോരാട്ടത്തിൽ ചെന്നൈയിൻ എഫ്സി കേരളാ ബ്ലാസ്റ്റേഴ്സിനെ സമനിലയിൽ തളച്ചു. ഇരുടീമുകളും ഓരോ ​ഗോൾ വീതമാണ് നേടിയത്. ഇതോടെ തുടർച്ചയായി ആറ് വിജയങ്ങൾ എന്ന ബ്ലാസ്റ്റേഴ്സിന്റെ സ്വപ്നം പൊലിഞ്ഞു.

ലിഡ് നേടിയ ശേഷമാണ് ബ്ലാസ്റ്റേഴ്സ് രണ്ടാം പകുതിയിൽ സമനില വഴങ്ങിയത്. ഈ സമനിലയോടെ ചെന്നൈ സ്റ്റേഡിയത്തിൽ ചരിത്രത്തിലെ ആദ്യ വിജയമെന്ന സ്വപ്നത്തിനായി ബ്ലാസ്റ്റേഴ്സ് ഇനിയും കാത്തിരിക്കേണ്ടിവരും. മത്സരശേഷം മാധ്യമങ്ങളോട് സംസാരിച്ച ബ്ലാസ്റ്റേഴ്സ് പരിശീലകൻ ഇവാൻ വുകോമനോവിച്ച് ഈ മത്സരം എളുപ്പമായിരിക്കില്ല എന്ന് അറിയാമായിരുന്നുവെന്നാണ് വെളിപ്പെടുത്തിയത്.

കഴിഞ്ഞ സീസണിൽ രണ്ട് തവണയും ചെന്നൈയിനെ തോൽപ്പിച്ചിരുന്നെങ്കിലും ഇക്കുറി മത്സരം എളുപ്പമാകില്ല എന്ന് അറിയാമായിരുന്നു, മത്സരത്തിലെ ഞങ്ങളുടെ തുടക്കം അത്ര നല്ലതായിരുന്നില്ല, എന്നാൽ അധികം വൈകാതെ തന്നെ ഞങ്ങൾ ട്രാക്കിലെത്തി, ആദ്യ പകുതിയുടെ ഭൂരിഭാ​ഗവും കളി ഞങ്ങളുടെ നിയന്ത്രണത്തിലായിരുന്നു, മികച്ച ഒരവസരത്തിൽ ഞങ്ങൾ ​ഗോളും നേടി, ലീഡ് നേടിയതോടെ സംഘടിച്ച് ചെന്നൈയിനെ തടയാനായിരുന്നു ഞങ്ങളുടെ നീക്കം, എന്നാൽ ഇതിനിടയിൽ ഒരു ടാക്ടിക്കൽ പിഴവ് സംഭവിച്ചു, അത് ​ഗോളിലും കലാശിച്ചു, ഇവാൻ പറഞ്ഞു.

The post ഒരു ടാക്ടിക്കൽ പിഴവാണ് വിനയായത്; ഇവാൻ പറയുന്നു appeared first on SPORTS MALAYALAM.

from SPORTS MALAYALAM https://ift.tt/nJ1gYe4
via IFTTT