ആവേശകരമായ കിവീസ് തിരച്ചുവരവ്; ഇം​ഗ്ലണ്ടിനെ വീഴ്ത്തിയത് ഒരു റണ്ണിന്

ലോകക്രിക്കറ്റിനെ തന്നെ അവേശം കൊള്ളിച്ച ടെസ്റ്റ് മത്സരത്തിൽ ഇം​ഗ്ലണ്ടിനെതിരെ ന്യൂസിലൻഡിന് കിടിലൻ ജയം. ന്യൂസിലൻഡിലെ വെല്ലിങ്ടനിൽ നടന്ന മത്സരത്തിൽ ഒരു റൺസിനാണ് ആതിഥേയരുടെ അവിശ്വസനീയ ജയം.

മത്സരത്തിന്റെ ആദ്യ ഇന്നിം​ഗ്സിൽ ഇം​ഗ്ലണ്ട് 435 റൺസാണ് നേടിയത്. ഇത് പിന്തുടർന്ന കിവീസ് 209-ന് ഓൾ ഔട്ടായി. തുടർന്ന് ഫോളോ ഓൺ ചെയ്ത കിവീസ് രണ്ടാം ഇന്നിം​ഗ്സിൽ 483 റൺസ് നേടി. ഇതോടെ അവസാന ഇന്നിം​ഗ്സിൽ ഇം​ഗ്ലണ്ടിന് ജയിക്കാൻ 258 റൺസാണ് വേണ്ടിയിരുന്നത്. നിലവിലെ ഫോമിൽ ഇം​ഗ്ലണ്ടിന് അനായാസമെന്ന തോന്നിയതാണ് വിജയലക്ഷ്യം. എന്നാൽ കിവീസ് ബൗളിങ് നിരയുടെ തകർപ്പൻ പ്രകടനം ഇം​ഗ്ലണ്ടിന്റെ വിജയസ്വപ്നങ്ങൾ തകർത്തു. നാല് വിക്കറ്റ് വീഴ്ത്തിയ നീൽ വാ​ഗ്നറാണ് കിവീസിന്റെ വിജയശിൽപ്പി. രണ്ടാംമിന്നിം​ഗ്സിൽ തകർപ്പൻ സെഞ്ച്വറി നേടിയ കിവീസ് സൂപ്പർതാരം കെയിൻ വില്യംസനാണ് കളിയിലെ താരം.

ടെസ്റ്റ് ക്രിക്കറ്റ് ചരിത്രത്തിൽ ഫോൾ ഓൾ ചെയ്തശേഷം ആ മത്സരം ജയിക്കുന്ന മൂന്നാമത്തെ മാത്രം ടീമാണ് ന്യൂസിലൻഡ്. ഇം​ഗ്ലണ്ട്, ഇന്ത്യ എന്നിവരാണ് ഈ നേട്ടം മുമ്പ് കൈവരിച്ചിട്ടുണ്ട്. ഇം​ഗ്ലണ്ട് രണ്ട് തവണ ഇത്തരത്തിൽ മത്സരം ജയിച്ചപ്പോൾ ഇന്ത്യയുടെ ആവേശജയം 2001-ൽ ആയിരുന്നു.

The post ആവേശകരമായ കിവീസ് തിരച്ചുവരവ്; ഇം​ഗ്ലണ്ടിനെ വീഴ്ത്തിയത് ഒരു റണ്ണിന് appeared first on SPORTS MALAYALAM.

from SPORTS MALAYALAM https://ift.tt/14h28f7
via IFTTT