റെക്കോർഡ് മാൻ; വീണ്ടും ചരിത്രമെഴുതി ഡോൺ കാർലോ

സീസൺ തുടക്കത്തിൽ റയൽ മഡ്രിഡിന്റെ പരിശീലകനായി കാർലോ ആഞ്ചലോട്ടിയെ നിയമിക്കുമ്പോൾ അധികം പ്രതീക്ഷയൊന്നും ആർക്കുമില്ലായിരുന്നു. മുമ്പ് പരിശീലപ്പിച്ചിരുന്ന ഇം​ഗ്ലീഷ് ക്ലബ് എവർട്ടനിലെ മോശം പ്രകടനമായിരുന്നു ഇതിനൊരു കാരണം. എന്നാൽ റയൽ മഡ്രിഡിനെ സ്പെയിനിലേയും യൂറോപ്പിലേയും രാജാക്കന്മാരാക്കിയാണ് ആഞ്ചലോട്ടി സീസൺ അവസാനിപ്പിക്കുന്നത്.

പാരീസിൽ നടന്ന യുവേഫ ചാമ്പ്യൻസ് ലീ​ഗ് ഫൈനലിൽ ലിവർപൂളിനെയാണ് ആഞ്ചലോട്ടിയുടെ റയൽ മഡ്രിഡ് വീഴ്ത്തിയത്. ഇതോടെ ഒരു ചരിത്രനേട്ടമാണ് ആഞ്ചലോട്ടിയെ തേടിയെത്തിയിരിക്കുന്നത്. നാല് തവണ ചാമ്പ്യൻസ് ലീ​ഗ് കിരീടമുയർത്തിയ ആദ്യ പരിശീലകനായിരിക്കുകയാണ് ആഞ്ചലോട്ടി. റയലിനൊപ്പം ആഞ്ചലോട്ടിയുടെ രണ്ടാം ചാമ്പ്യൻസ് ലീ​ഗ് കിരീടമാണിത്. 2014-ലാണ് മുമ്പത്തെ നേട്ടം. 2003-ൽ ഇറ്റാലിയൻ ക്ലബ് എസി മിലാനൊപ്പമായിരുന്നു ആഞ്ചലോട്ടിയുടെ ആദ്യ ചാമ്പ്യൻസ് ലീ​ഗ് കിരീടം. 2007-ലും മിലാനൊപ്പം നേട്ടം ആവർത്തിച്ചു. പരിശീലകകരിയറിൽ ഇതുവരെ അഞ്ച് തവണ ചാമ്പ്യൻസ് ലീ​ഗ് ഫൈനലിലെത്തിയ ആഞ്ചലോട്ടി 2005-ൽ മാത്രമാണ് തോൽവിയുടെ കയ്പുനീർ കൂടിച്ചത്. അന്ന് ആഞ്ചലോട്ടിയുടെ മിലാനെ വീഴ്ത്തിയത് ലിവർപൂളായിരുന്നു.

നേരത്തെ റയലിനൊപ്പം ലാ ലി​ഗ കിരീടം നേടിയതോടെ യൂറോപ്പിലെ പ്രധാന അഞ്ച് ലീ​ഗുകളിലും കിരീടമുയർത്തുന്ന ആദ്യ പരിശീലകനായും ആഞ്ചലോട്ടി മാറിയിരുന്നു. എസി മിലാനൊപ്പം സെരി എ, ചെൽസിക്കൊപ്പം പ്രീമിയർ ലീ​ഗ്, പിഎസ്ജിക്കൊപ്പം ഫ്രഞ്ച് ലീ​ഗ്, ബയേൺ മ്യൂണിച്ചിനൊപ്പം ബുന്ദസ്‌ലി​ഗ എന്നിവയും ആഞ്ചലോട്ടി നേടിയിട്ടുണ്ട്.

The post റെക്കോർഡ് മാൻ; വീണ്ടും ചരിത്രമെഴുതി ഡോൺ കാർലോ appeared first on SPORTS MALAYALAM.

from SPORTS MALAYALAM https://ift.tt/wl2qcKS
via IFTTT