ഖത്തർ ലോകകപ്പിലെ മികച്ച താരത്തിനുള്ള പുരസ്കാരം അർജന്റീ ക്യാപ്റ്റൻ ലയണൽ മെസിക്ക്. ഫൈനലിലെ രണ്ട് ഗോളടക്കം ആകെ ഏഴ് ഗോളുകളാണ് ഇക്കുറി മെസി നേടിയത്. ഒപ്പം മൂന്ന് ഗോളുകൾക്ക് വഴിയൊരുക്കുകയും ചെയ്തു മെസി. ഈ തകർപ്പൻ പ്രകടനമാണ് ഗോൾഡൻ ബോൾ പുരസ്കാരം മെസിയിലെത്തിച്ചത്. ഇത് രണ്ടാം തവണയാണ് മെസി ലോകകപ്പിലെ മികച്ച താരമാകുന്നത്. മുമ്പ് 2014 ലോകപ്പിലും മെസിയായിരുന്നു ഗോൾഡൻ ബോൾ ജേതാവ്. ഇതോടെ രണ്ട് വട്ടം ഗോൾഡൻ ബോൾ നേടുന്ന ആദ്യ താരമായും മെസി മാറി.
ലോകകപ്പിലെ ഗോൾവേട്ടക്കാരനുള്ള ഗോൾഡൻ ബൂട്ട് ഫ്രാൻസിന്റെ കെയ്ലിൻ എംബാപെയ്ക്കാണ്. ഫൈനലിലെ ഹാട്രിക്കടക്കം എട്ട് ഗോളാണ് ഖത്തറിൽ എംബാപെ സ്വന്തം പേരിൽ കുറിച്ചത്. ഇതിനുപുറമെ രണ്ട് ഗോളുകൾക്ക് എംബാപെ വഴിയുമൊരുക്കിയിരുന്നു. കഴിഞ്ഞ ലോകകപ്പിൽ മികച്ച യുവതാരമായിരുന്നു എംബാപെ.
ഇക്കുറി മികച്ച യുവതാരമായി തിരഞ്ഞെടുക്കപ്പെട്ടത് അർജന്റീനയുടെ എൻസോ ഫെർണാണ്ടസാണ്. ലോകകപ്പിലുടനീളം തകർപ്പൻ പ്രകടനമാണ് ഈ മധ്യനിരതാരം അർജന്റീനയ്ക്കായി നടത്തിയത്. മികച്ച ഗോളിക്കുള്ള ഗോൾഡൻ ഗ്ലൗ അർജന്റീനയുടെ തന്നെ എമിലിയാനോ മാർട്ടിനെസിനാണ്. മൂന്ന് ക്ലീൻ ഷീറ്റുകൾ സ്വന്തം പേരിലെഴുതിയ മാർട്ടിനെസ്, ഫൈനൽ പോരാട്ടത്തിൽ അർജന്റീനയുടെ വിജയത്തിലും നിർണായക സാന്നിധ്യമായി.
The post മികച്ച താരം മെസി, ഗോൾഡൻ ബൂട്ട് എംബാപെയ്ക്ക്; പുരസ്കാരങ്ങൾ ഇങ്ങനെ appeared first on SPORTS MALAYALAM.
from SPORTS MALAYALAM https://ift.tt/trDzujL
via IFTTT
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment