സ്റ്റാർ പരിശീലകൻ ഡീഗോ സിമിയോണി അത്ലെറ്റിക്കോ മഡ്രിഡ് വിട്ടേക്കുമെന്ന് സൂചന. ഈ സീസണൊടുവിൽ ക്ലബ് വിടാനുള്ള തീരുമാനം സിമിയോണി, നേതൃത്വത്തെ അറിയിച്ചെന്നാണ് വാർത്തകൾ. ഒരു സ്പാനിഷ് ടിവി പരിപാടിയാണ് ഇക്കാര്യം റിപ്പോർട്ട് ചെയ്തിരിക്കുന്നത്.
അർജന്റൈൻ പരിശീലകനായ സിമിയോണി മുമ്പ് അത്ലെറ്റിക്കോയ്ക്കായി കളിച്ചിട്ടുണ്ട്. 2011-ലാണ് ക്ലബ് പരിശീലകനായി സിമിയോണിയെത്തുന്നത്. ഇതിനുശേഷമാണ് ലാ ലിഗയിലെ തന്നെ ഏറ്റവും കരുത്തുറ്റ ടീമുകളിലൊന്നായി അത്ലെറ്റിക്കോ മാറിയത്. സ്ഥിരം ടോപ് ഫോറിൽ ഫിനിഷ് ചെയ്യുന്ന അവർ രണ്ട് തവണ ലാ ലിഗ കിരീടം ചൂടി. രണ്ട് തവണ യൂറോപ്പാ ലീഗും നേടി. രണ്ട് തവണ അത്ലെറ്റിക്കോയെ ചാമ്പ്യൻസ് ലീഗ് ഫൈനലിലെത്തിക്കാനും സിമിയോണിക്കായി.
അതേസമയം തന്നെ അടുത്ത കാലത്തായി അത്ലെറ്റിക്കോ മഡ്രിഡിന്റെ പ്രകടനത്തിൽ ആരാധകർ അത്ര തൃപ്തരല്ല. വലിയൊരു വിഭാഗത്തിന്റേയും പിന്തുണ സിമിയോണിക്കുണ്ടെങ്കിലും, അദ്ദേഹം ക്ലബ് വിടണമെന്ന് ആവശ്യമുന്നയിക്കുന്നവരുടെ എണ്ണവും കൂടിവരുകയാണ്. ഈ സാഹചര്യം കൂടി കണക്കിലെടുത്താണ് സിമിയോണിയുടെ നീക്കമെന്നും റിപ്പോർട്ടുണ്ട്.
The post സീസണൊടുവിൽ സിമിയോണി കളം വിടുമോ..?? സൂചനകൾ ഇങ്ങനെ appeared first on SPORTS MALAYALAM.
from SPORTS MALAYALAM https://ift.tt/s6QO8NL
via IFTTT
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment